Girjegoasttideaddji Kieletär Inari lágida vihtta girjjálašvuođaeahkeda ovdal juovllaid.
- Mii geahčadit girjjiid ja guldalit goasttideaddji Kaija Anttonen lassin girječálliid Rauna Paadar-Leivo ja Veikko Holmberga , Kieletär Inaris muitaluvvo.
Prográmmas leat maid vuosttas suomagielat sámedivttaid antologiija divttat. Antologiija namma lea En laske, en koskaan.
Dilálašvuođat álget diibmu 18.00: bearjadaga juovlamánu 4. beaivve Gápmasa kievaris, mánnodaga juovlamánu 7. beaivve Ohcejotnjálmmi gilidállu Giissás, disdaga juovlamánu 8. beaivve Avvila girjerádjosis, duorastaga juovlamánu 10. beaivve Anára girjerádjosis sámekulturguovddáš Sajosis ja mánnodaga juovlamánu 14. beaivve Gáregasnjárgga gilidállu Sáivvus.
Guktot girječállit oassálastet dušše Anára dáhpáhussii.