Kanadas lea álgoálbmotmiehtemielalaš ođđa stáhtaministtar Justin Trudeau . Son ovddasta Liberálabellodaga ja lohpida ovddidit álgoálbmotmiehtemielalaš politihka.
Okta su lohpádusain lea hukset gaskavuođa álgoálbmogiiguin álbmogis álbmogii, “nation-to-nation".
- Dát dárkkuha, ahte ovttasbargu huksejuvvo gulahallama ja gudnejahttima vuođul, muitala Kanada almmolaš bálvalus CBC.
Kanada ođđa ráđđehusa badji rahppojuvvui virggálaččat mannan vahkus.
Rahpansáhkavuorus Kanada generálakuverneara David Johnston buvttii ovdan Trudeau ráđđehusa guovddášáigumušaid.
Ráđđehus lohpida, ahte álgoálbmogat besset leat eanet mielde árvvoštallamin ja gohcimin stuorra luondduriggodatprošeavttaid.
Ulbmilin lea maid ee. buoridit Kanada álgoálbmogiid skuvlema ja dutkagoahtit manin máŋga álgoálbmotnieidda ja –nissona leat jávkán ja goddojuvvon.
Kanadas lea sierra álgoálbmot- ja davviáššiid ministtar, Carolyn Bennett , gean bargun lea ollašuhttit dáid ulbmiliid.
CBC muitala, ahte máŋggat álgoálbmotjoavkkut Kanada rámiidit ráđđehusa ulbmiliid.
Virggálaš rahpanseremoniija álggii nuorra álgoálbmotdáiddar David Charette árbevirolaš lávlagiin ja rumbbu čuojahemiin, man son dagai ođđa ráđđehusa gudnin.
Parissa dálkkadatčoakkámis Trudeau lei okta hárve stáhtanjunnožiin, geat hupme álgoálbmogiid birra rahpansáhkavuoruin.
Kanadassa alkuperäiskansamyönteinen pääministeri
Kanadan hallituskausi avattiin virallisesti viime viikolla.
Uusi pääministeri Justin Trudeau (lib) ajaa alkuperäiskansamyönteistä politiikkaa.
Hänen hallituksensa on luvannut mm. että Kanadan alkuperäiskansat pääsevät enemmän mukaan arvioimaan ja monitoroimaan suuria luonnonrikkauksiin liittyviä projekteja. Myös koulutusta aiotaan parantaan ja aloittaa tutkinta kadonneista ja murhatuista alkuperäiskansanaisista.