Johtti Sápmelaččat rs. ságadoalli Samuli Näkkälä muitala, ahte boahtte jagi Márjjábeaidoaluide searvi áigu bidjat návccaid go leat guokte earenomáš ávvujagi: sámit čoahkkane vuosttaš geardde Troandimii 100 jagi áigi ja Eanodaga gielda deavdá 140 jagi. Dan dihte son hálidivčče movttiidahtit maid Eanodaga guovllu heargeberošteddjiid searvat Márjjábeaivve gilvvuide herggiiguin.
- Mun lohpidan, ahte boahtte jagi buoremus Eanodaga heargi bálkkašuvvo, dadjá Näkkälä.
Näkkälä mielas dán jagaš gilvvuid lágideapmi manai bures, vaikko olbmot eai su mielas leange nu olu.
- Sullii 400 olbmo ledje jieŋa nalde, dadjá Näkkälä.
Gollegiehta -njoarostangilvvu vuittii nissoniid luohkás Elen Anne Sara , nubbin bođii Kirsti Monica Eira ja goalmmádin Anni Magga-Eira . Dievdduid luohká gilvvu vuittii Issát Ánte Eira , nubbin bođii Mihkkal Ánte Oskal ja goalmmádin Martin Buljo .
- Gilvvuide serve oktiibuot guhtta nissona ja 12 dievddu, muitala Näkkälä.
Gollegiehta-gilvvu bálkkašupmin lei sihke dievdduid ja nissoniid luohkás vuoitái 500 euro, nubbái 200 euro ja goalmmádii 100 euro.
World Cup -heargegilvoráiddu Heahtá oassegilvvu vuosttaš vuolgga lei lávvordaga ja nubbi sotnabeaivve.
- Ieš gilvu manai bures ja bána gierddai, vaikko ii lean dat buoremus siivu herggiide ja dat oidnui maid áiggiin, oaivvilda Näkkälä.
Gilvvu báhkka luohká falimus heargi lei Biddojuolgi, man oamasta Johan Ivvár Gaup ja vuodjá Nils-Olav Lango . Nubbin bođii Poveri, man oamasta Ole Mathis Eira ja vuodjá John Inge Eira ja goalmmádin Ráidná, man sihke oamasta ja vuoddjá Ánne-Risten Sara Gaino .
Rabas luohká vuittii Naizir, man oamasta Bengt Wanhatalo ja vuodjá Ánne-Risten Sara Gaino. Nubbin bođii Muzetčuoivvat, man oamasta Ole Mathis Eira ja vuodjá Jon Inge Eira ja goalmmádin Badboy, man oamasta Mikkel Andreas Eira ja vuodjá Jon Inge Eira.
Marianpäivät: Ensi vuonna juhlavuosi
Johtti Sápmelaččat ry:n Samuli Näkkälä lupaa, että ensi vuoden Marianpäivien järjestämiseen panostetaan, koska siihen on kaksi erityistä syytä: saamelaiset kokoontuivat 100 vuotta sitten Trondheimissa ja Enontekiön kunta täyttää 140 vuotta. Hän haluasikin motivoida juuri enontekiöläisiä osallistumaan porokisoihin.
- Lupaan, että ensi vuoden Marianpäivien porokisoissa paras enontekiöläinen härkä palkitaan, kertoo Näkkälä.