Jiena jas­kat­vuh­tii - Meidän Fes­ti­vaa­li turnea johtá sá­me­guovl­lus juov­lamá­nu álggus

Dánsadáiddár Auri Ahola čohkke iešguđege suorggi dáiddárii oktii ja bovde sin Sápmái. Oassin Meidän Festivaali -prográmma dáiddárat johtet 13.-17. juovlamánu Anáris, Ohcejogas ja Čeavetjávrris.

–Go dáhtto mu plánet prográmma ja johtinplána sámeguvlui, háliidin bovdet mielde roahkkadis dáiddáriid rihkut rájáid, lohká Ahola.

Lágideaddjit hástalit min searvat mielde ee. ruoktokonsertii Muttosjávrregáddái ja geahččat mo dánsun, luohti ja ráp heivejit oktii.

–Lean bovden mielde iežas suorggi čeahpimusaid čájehit maid lea vejolaš bargat go beare manná ja dahká, čilge Ahola ja bovde mielde.

Ovdamearkan das lea Auringá , mas Ahola dánsu Ingá-Máret Gaup-Juuso luđiid mielde. Dat čájehuvvui vuosttas geardde suoidnemánus máddin ja dál Anáris.

Gaup-Juuso doallá maid ruovttukonseartta Muttosjávrri gáttis. Dán konsertii fállet mohtorgielkásáhtu Rivdolis Vasatokka šilljus konseartabáikái ja ruovttoluotta.

Ville-Riiko Fofonoff oanehašfilmma Seevvist jeegist ovttastahtto seavagiella ja dánsa sámi árbevirolaš mytologia mielde.

Lassin čeahpes románalávlu Hilja Grönfors čuojaha joavkkuinis Sajosis.

Čeavetjávrris ja Ohcejogas gullojit ráp, klassihkalaš musihka ja balleahttadánsun.

Čeavetjávrri skuvllas lágiduvvo ng. battle, man sáhtašii várra dás gohčodit dáiddalaš dáistaleapmin.

Vuos dáistalit fidjola čuojaheaddji Terhi Paldanius ja b-boy artista Jimi Kettunen . Nubbin dáistalit ballerina Ahola & ráp-artista Ailu Valle .

Sullasaš dáiddalaš dáistaleapmi lágiduvvo maid Suoma davimus pubis, nappo Pub Rástegáissás, muhto vai beassá geahččat battle, ferte leat goittot 18 ahkásaš.

Festivála nohká Ohcejoga klassihkalaš musihka girkokonsertii.

Meidän festivaali -lágidemiid leat dolvon iešguđege báikkiide mátta-Suomas dan sajes go čohkkešedje olbmuid ovttas sadjái. Sámeguovllus festivála čađahuvvo iešguđege smávva báikkis.

Muhtun doalut leat nuvttá ja nuppiideges galgá lonistit bileahta.

Vuosttas oassi Meidän festivaalis lágiduvvui suoidnemánus Järvenpääs.

Geahča olles prográmma Meidän Festivaali -siiddus .

Tästä on kyse

Hiljaisuutta rikotaan joulukuussa

Tanssitaiteilija Auri Aholan suunnittelema Hiljaisuuden rikkominen -kiertueen tapahtumia pääse seuraamaan Inarissa, Muttusjärvellä, Sevettijärvellä ja Utsjoella.

Pohjois-Lapin kiertueen ohjelmassa on paljon monimuotoista musiikkia, tanssia, lyhytelokuvaa sekä puheenvuoroja. Kiertueella esiintyvät mm. romanilaulaja Hilja Grönfors, joikutaiteilija Ingá-Máret Gaup-Juuso, viulisti Terhi Paldanius, rap-artisti Ailu Valle, tanssitaiteilija Auri Ahola sekä b-boy Jimi Kettunen.

Muusikko Pekka Kuusiston johtama Meidän Festivaali järjestää osana Suomi 100 -juhlavuotta Hiljaisuuden rikkominen -kiertueen saamelaisalueella 13.-17.12.