Ivn­nii­guin joavku čuojaha Márjjá­beiv­viin - Hear­ge­gilv­vuid lágidit dalán go lea vejolaš

Ivnniiguin joavkkus cuojahit Iŋgor Ántte Áilu Gaup, Roger Ludvigsen, Heaika Hætta, Nils Martin Kristensen ja Sverre Hjelleset.
Ivnniiguin joavkkus cuojahit Iŋgor Ántte Áilu Gaup, Roger Ludvigsen, Heaika Hætta, Nils Martin Kristensen ja Sverre Hjelleset.
Kuva: Johan Mahtte Gaup

Márjjábeivviid lágideaddjit leat almmuhan Márjjábeivviid prográmma. Vuosttas sámi rock -joavku Ivnniiguin boahtá čuojahit Márjjábeivviid lávvordat eahkeda. Máŋgasat soitetge gullan lávlagiid dego Ale gul čiero, Jávrráš riehpu ja Miessemearkun.

-Hui suohtas go Ivnniiguin joavku boahtá Márjjábeivviide čuojahit, lohká Janne Näkkäläjärvi, gii lea juo máŋggaid jagiid leamaš lágideamen árbevirolaš márkaniid Heahttái.

Dát ii leat vuosttas geardi go Ivnniiguin čuojaha Suoma bealde.

-Sullii 40 jagi lea golihan das go maŋimuš čuojaheimmet Suomas, dadjá Heaika Hætta guhte čuojahan joavkkus gitára.

Ivnniiguin joavku lea čohkkejuvvon jagis 1977 ja das čuojahit dál ain máŋggat seamma olbmot, go álgoáiggiid. Máŋgasat dihtet juoigi Iŋgor Ántte Áilu Gaup, gii lea joavkku solista.

Muđuin Márjjábeivviid áigge Ánnámáret & Johanna Juhola duo doallaba sámi musihkkakonsearta Vuollikkas. Soai ovttasteaba sámi šuoŋaid ja harmonihka čuojanasa.

Njoarostangilvvuide buorit bálkkašumit

Oaivevuorri dahje CWD-dávda eastá Norgga ja Ruoŧa beale beassamis Suoma beallái heargegilvvuide, de Márjjábeivviid áigge eai lágiduvvon heargegilvvut.

-Háliidivččiimet lágidit juo heargegilvvuid, muhto dán jagi ii leat vel vejolaš, šálloša Näkkäläjärvi ja lohká ahte plána lea lágidit gilvvuid dalá go lea vejolaš.

Márjjabeivviid áigge lágiduvvojit goit njoarostangilvvohallamat lávvordaga ja sotnabeaivvi Heahtá skuvlaguovddáža šiljus

-Mii leat ordnen buriid bálkkašumiid gilvvuide, cavgila Näkkäläjärvi vaikko ii vel sáhte muitalit justa makkár bálkkašumit.

Gilvvuin njoarostit lihkkaseaddji stolpui, gos nissonat ja dievddut leat seammá luohkás. Nuppi beaivve lea árbevirolaš gilvovuohki. Nuoraide ja mánáide leat gilvvus iežá luohkat.

-Vuordit ahte máŋgasat bohtet Márjjábeivviide, sávvá Näkkäläjärvi.

Lassin lágiduvvo seminára olmmošvuoigatvuođaid, sámi árbevirolaš dieđu ja máhtu birra.

Heahtá Márjjábeaivvit lágiduvvojit 20-22.3.2020.

Mikä?

Ivnniiguin bändi esiintyy Marianpäivämarkkinoilla

-Legendaarinen koutokeinolainen Ivnniiguin on ensimmäinen saamelainen rock bändi. Esiintyi Suomen puolella ensimmäisen kerran 40 vuotta sitten.

-Ohjelmassa muun muassa seminaari, suopunginheittokisat ja muita konsertteja.

-Hirvieläinten näivetystauti CWD estää pohjoismaisten porokisojen järjestämisen.

-Periteiset Hetan Marianpäivän markkinat järjestetään 20-22.3.2020.