Inger Márjá Nilut ja John-André Eira vuit­tii­ga Sámi Grand Prix –gilvvu

Báktehárjji-válaštallanguovddáš Guovdageainnus lei áibbas dievva beassášlávvordaga, go 10 juoigi ja 6 lávlu oassálaste juohke jahkásaš Sámi Grand Prix –gilvui.

John-André Eira Mázes vuittii juoiganoasi luđiin “Svein Egil Hætta”, nubbin bođii kárašjohkálaš Kim Hallgeir Berg ja goalmmádin guovdageainnolaš Inger Márjá Nilut. 25-jahkásaš John-André lei vuosttáš geardde mielde Sámi Grand Prix -gilvvus, mii lea lágiduvvon juo jagi 1990 rájes.

Inger Márjá Nilut lei buoremus lávlunoasis. Son muitala LK Ságaide, ahte “Min duovdagat”-bihttá boahtá su bártni luođis ja govvida sin boazosiidda johtolágaid.

-Lei nu somás dovdu, go vuiten. Mun liikon juoigat ja lávlut. Lean ieš ráhkadan šuoŋa ja das bođii hui movttet ja ealás. Dát lei 7. geardi go ledjen mielde Sámi Grand Prix –gilvvus, lohká Inger Márjá.

Lávlunoasis nubbin bođii mázelaš duehtta Jan Ole Hermansen ja Biret Margit Hætta-Sara. Goalmmát lei Emilia Helander-Olsen. Son lea Oslos eret.

Gilvvu vuoitu lei 20.000 Norgga ruvnno. Vuoitit beassaba maiddái doallat konseartta boahtte jagi beassášmárkaniid oktavuođas. Dán jagi eai lean Suomas oassálastit.

Mistä on kyse

Sámi Grand Prix –kilpailu

Kautokeinossa, Norjassa järjestetään joka vuosi pääsiäislauantaina Sámi Grand Prix joiku- ja laulukilpailu

Kilpailu on saamelainen vastine Euroviisuille. Kilpailijoita tulee yleensä jopa neljästä maasta

Tänä vuonna kilpailun joikuosuuden voitti Masista kotoisin oleva John-André Eira ja lauluosuuden kautokeinolainen Inger Marie Nilut

Kilpailu on järjestetty vuodesta 1990 lähtien