Álgoálbmogiid musihkkadáhpáhus Ijahis idja lea nammaduvvon Jagi Wäinön jahkái 2016. Namahus almmustahttojuvvui bearjadaga Folklandia-dáhpáhusas ja namahusa vuostáiválddii Ásllat Paltto Anára Sámesearvvis, muitala Yle Sápmi.
Jagi Wäinö -bálkkašumi oažžu jahkásaččat álbmotmusihkka- dehe álbmotdánsunsuorggi olmmoš, joavku dehe bealli, geasa hálidit addit dovddastusa dáiddalaš dehe pedagogalaš ánssuin, eallinbarggus dehe mearkkašahtti innovašuvnnas.
Álbmotmusihka ja álbmotdánsuma gáhtusearvi Álbmotmusihka ja Álbmotdansuma Ovddidanguovddáš vállje gii nammaduvvo Jagi Wäinön.
- Jagi 2015 temá lei Kaikki pelaa, Buohkat spellet. Mii leimmet ovttamielalaččat das, ahte Ijahis idja heive min temái hui bures. Dat lea olles bearraša dáhpáhus ja čalmmustahttá álgoálbmogiid musihka, ságádoalli Risto Kupari Álbmotmusihka ja Álbmotdánsuma Ovddidanguovddážis muitala.
