Älä sie pölkää, miien aio nyt hunteerata ollenkhaan omisa asioistani, ev vain! Joskus toiste sitte. Mutta ko mailma muuttuu eikä sitä aina taho pysyä perässä, se häätyy pikkusen siunaila ja jeesustella.

Ilmaston lämpeäminen on hunteerattu, pakolaiset, maaseu’un paskakaivot, häpörunsun kasvattajat ja kohta kaikki muukki pösilöyet. Mutta aina sitä vain jotaki havattee, jota häätyy alkaa hunteeraahmaan ja siunailehmaan.