”Saankos leipoa toisenki?”, kyssyy pikkukoululainen.
Met olema opettelemassa rieskan leipomista meän entisellä koulula. Saapii sanoa monessaki kyläkoulussa, että entisessä. Pekanpäässä koulu lopetethiin melkeinpä viiskymmentä vuotta aikaa. Koasti meinathiin tapela, ettei saa meiltä koulua viä. Sanothiin, ettei vaikuta taistela tuulimyllyjä vasthaan. Teilähään ei ole kläppiä. Menkää naapurikylhään.
Ei kulunu ko muutampi vuosikymmen, niin alethiin Kaihnuunkylästä koulua viehmään.