”Siitä on jo kauan,
kun minuun meni metsätähti
ja yhä se kukkii.”
Menheelä viikola mulla melkein silmät repesit päähään: ”Onko meän kohala Tornionjoessa hietaa rannassa!” Sillon ko mie olin kläppi, hietaa oli aina, siittä sai sikiökki tehhä hietalinnoja. Ny sitä hietaa ei ole näkyny kymmenhiin vuossiin.
Ko mie ny sen hian näin, mulle tuli mahoton himo päästä kaivamhaan varphaat rantahiethaan.