Roikahleet net reistaava keksiä nykyhjään jos vaikka minkälaista konstia, nuin että pikkusenkhaan saisit rahhaa helpomalla ja vielä kiehrään.

Niinko molen aikasemminki hunteeranu, roikahleita ja hampuusia, niiton ollu aina ja tullee varhmaan aina olehmaanki. Kaikin ei vain jaksa nousta aamula hämärän kynsissä ja lähteä pimehään klonuahmaan leivänkyrsän perässä, ei vain. Jokku herräilevä siinä puolenpäivän jälkhiin ja alkava hunteeraahmaan, että milhäänlaila sitä tänäpäivänä sais leivän pääle muutaki ko ylähuulen.