Siton nykyhjään vaikka minkälaista saihrautta ja vaivaa. Ja ko uutisia kuntelee, se tuntuu, että lissää havathaan joka päivä.

Tuohan son yksi ryökäle tuo masenus. Lonseita syksyjä ko tuntuu piisaavan, ilman lunta vesisatheessa lompsithaan kohta jouhluun saakka, sunkhaan sole ihme, että alkaa suivasseen. Töissä ov väsyny, auto särkyy, sölkä on kipeännä, pensan hinta eikö nousee ja vormula ja hihot mennee heijjosti.