Kläpit non aina reistahneet värkätä vaikka minkälaista hommaa. Siittä lähtien kuiten ko niitei ennää pietty pikkusinna aikusinna, eikä tarttenu tehhä aikusten töitä. Vielä muutama aika taappäin kläpit reistasit itte keksiä omat leikkinsä. Sitä kokkoonuthiin jonku kartanolle ja hunteerathiin kappahleen aikaa, mille alettas. Ja sitte kohta laukothiin ympäri kartanoa pykinkie taa eli pusikhoon eli muuale pöpelikhöön piihloon ja yksi reistasi hakea ja havata piilossa olheita.