Meile ylitorniolaisile oon tehty hyät tiet. Pari vuotta sitä röykytystä oonki kärsitty hyän oottamisen toivossa. Isot konheet ovvat pyörinheet ees kahtaale tien päälä. Kauppaporvarit oon tietekki kärsinheet, onkhaan ollu vähempi asiakhaita. Ny näytti kerrashaan komealta, ko lähimä miehen kans käyhmään apteekissa. Mie menin sisäle, ja kaveri sano tavalisseen taphaan: "Älä sitte ole kauon, äläkä jää porisseen."