Historialinen taito, luki Pellervon kalenterissa. Vieläpä tuhanen vuen vanhaa se konsti. Soon kuulemma kinnasneula, luki lehessä.
Mie katton, että sehän oon justhiin sama homma, jonka äiti opetti mulle seittemänkymmentä vuotta sitte. Mutta se ei ollu kinnasneula, soli vantuneula. Sillä tehthiin neulavanthuita ja syylikhäitä.
Niitä lankoja sanothiin säikheiksi. Säikheitä äiti veteli tortin nupista, langasta, jonka soli justhiin kehräny.