Kläppinä sitä hunteerasa, että millekhään sitä aikusenna alkas. Elikkä ei sitä aivan kläppinä tieten hunteeranu, mutta korstona kuiten. Soli rohki hyä tuuri, että pääsi käyhmään kesähommissa mailmalla ja näki pikkusenkhaan, minkälaista työtä sitä ihmisten häätyy tehhä, nuin että sais leivänkyrsää nakertaa. Krannin korstoin kansa häyimä Norjassa kallaa lappaa ja paketoijja ja sitä ennen molin Etelä-Ruottissa koplaamassa kassaan jääkaappia ja pakasteita ja sitte niitä junhaan traakasin, käsin.