Aina sillon tällön päkkää vaikka minkälaissiin kummalisuuksiin ja pörröyksiin maailmassa. Ja nämä eri maitten lait ja kaikki niihin liittyvät non kans joskus kerrala kummalisia ja kohta pörröjä. Ja niinko arvaat, pörröimät löytyvä Ameriikasta, kunkas muuten. Alaskassa ei saa kuulemi työntää elävää hirveä liikkuvasta lentokonheesta. Milhään ritehaala son sinne ees saatu! Arkansisissa mies ei saa pieksää vaimohaan ko eninthään kerran kuukauessa ja Havaijilla ei saa laittaa rahaa toisen korhvaan, ei ainakhaan kolikkorahoja.