Älästä huoli, Matarengissä alethiinkin poka varsin plaaraahmaan semmosta riethaan paksua puhelinkatalookia ja plokkaahmaan sieltä jonku sortin numeroa Norhjaan.
Se tyär porisi, että suohraan kalatehtaale emmä saata mennä, emmä vain. Ensin häymä soitela Norjan työvoimatoimisthoon ja reistata sieltä kyselä, että oliskhaan hommia tarjola, kolmele riskile suomalaisele korstole.
Ja niin se plokkasi katalookista meile yhen norjalaisen työvoimatoimiston numeron ja eikä Kuuphiin kolikoitten vaihthoon, että pääsemä puhelinkopista Norhjaan soittelehmmaan.