Koiranhulmia siton iät ajat käytetty ihmisten apuna jos vaikka minkälaisessa hommassa. Nethän viissaamat hunteeraava, että son suesta aikoihnaan kesytetty tuo koira, tiä häntä. Siton vaikea uskoa ko vilkasee krannin villasutturaa, kyllä siitton suen näkösyys kerrala poka kaukana.  Vissimästi net ensimäiset hurtat olit följyssä mettästyksessä ja karjan paimentamisessa ja vissiin net vartioittikki pienempiä kläppiä ja omasuuttaki, nuin jos sitä sattu olehmaan.