Riikkaidgaskasaš birasorganisašuvdna Greenpeace muitala, ahte Brasilia birasvirgeoapmahaš lea ilmmuhan, ahte dat áigu geassit eret Amazonas-guvlui, Tapajós-joga gáddái, plánejuvvon stuora buođđofidnu huksenlobi.
- Mii leat duđavaččat dán mearrádussii. Juos buođđofidnu livččii ollašuvvan, nu dat livččii dagahan duššadeami guovllu luondui ja Tapajós-joga gáttis ealli Munduruk-čerdii, muitala Greenpeace.
Greenpeace muitala, ahte maŋemus mánuid áigge badjel 1,2 miljovnna olbmo miehtá máilmmi adde iežaset doarjaga buođđofidnu vuostálastimii. Maid duháhat suopmelaččat vuolláičálle ávžžuhusa, mii bijai deattu Brasilia ráđđehussii sihke fitnu ovttasbargoguimmiide.
- Mii leat hui movttas dán ođđasis. Mearrádus lea dehálaš min olles čerdii. Dál mii áigut joatkit dáistaleami guovllu iežá buođđofidnuid vuostá, dadjá Munduruku-čeardda hoavda Arnaldo Kabá Munduruku.
Greenpeace muitala, ahte dán stuora buođđofitnu lassin Tapajós-joga guvlui leat plánejuvvon aktiibuot 42 buođu ja Amazonas gurrii leat bealljemerkejuvvon juobe čuođi buođđoguovllu boahttevaš buođđofidnuid dihte.
- Plánain eai leat moge váldon vuhtii Amazona arvevuovddit ja vealtameahttunvuohta suodjalit doppe orru olbmuid. Juo ovdalis huksejuvvon buođut čájehit, ahte fidnus lea stuora váikkuhus sihke guovllu lundui ja olbmuide geat orrot doppe, dadjá Greenpeace.
Brasilia lea ratifiseren ILO 169 -soahpamuša ja Munduruku-čearda leage jo máŋggaid jagiid geahččalan oažžut Brasilia ráđđehusa dovddastit čeardda rivttiid Terra Indígena Sawré Muybu -guvlui, gos čearda lea orro čuđiid jagiid.
- Dálgo Tapajós-joga stuora buođđofidnu huksenlohpi lea heaittihuvvon de Brasilia riekteministeriija galggalii ipmirdit iežas geatnegasvuođaid ja dovddastit dán guovllu Munduruku-čeardda guovlun, dadjá Greenpeace Brasilia kámpanjerejeaddji Danicley Aguiar. Gáldun: Greenpeace
Brasilian patohanke pysäytettiin
Brasilian ympäristövirasto on ilmoittanut peruuttavansa Amazonin varteen, Tapajós-joelle suunnitellun ison patohankkeen rakennusluvan.
- Olemme tyytyväisiä päätökseen. Hanke olisi tehnyt tuhoa alueen luonnolle ja joen varrella elävälle Munduruku-heimolle, kertoo Greenpeace.
Brasilia on ratifioinut ILO 169 -sopimuksen. Heimo on jo vuosia yrittänyt saada hallitusta tunnustamaan heimon oikeudet asuinalueeseensa.