Gova Lásses Jávr­reš­duod­da­rii – Oarján­nieid­dat juiget iežaset soga luđiid

Dát olbmážagat leat váldán duođas juoigama ja oahpahallan iežaset soga luđiid. Sii leat guldalan arkiivabáttiid ja ieža válljen luđiid. Máŋgga luođis lea movttegis ja jođánis nuohtta.

Deaivat sin hárjehallamin musihkkár Anna Näkkäläjärvi-Länsmanin ovdal konseartta. Nieiddat lea olu juoigan ovttas go Gova-Lásse ja Gova-Heaikka luđiid rohttestit nu álkit ja njuovžilit.

–Juo, máhttibehtet daid jo rutiinnain, mii váldit muhtin nu eará luođi, evttoha bagadalli.

Mo dat lea juoigat, go juoigamis jietnageavaheapmi lea vehá earálágan go lávlumis?

–Muhtumin lossat ja váttis álgit muhto go de beassá johtui, de lea dat vuolgá, lohká Ovllá Ovllá Máreha ja Ergon Duommá Ánne Ándde Maren Elle dehe Maren Elle Mäkitalo (14 j).

Gova-Lásse Joavnna Lars-Jona Máret-Elle, Máret-Elle Valkeapää (12 j) lohká ahte son liiko lávlut. 2015:s ohce 9 ahkásaččaid mielde Tangojuniori -gilvui, son searvvai mielde ja bođii nieiddaid gilvvus nubbin.

–Bessen dalle lávlut vel Tangomarkkinai rahpamis ja dat sáddejuvvui tv:s.

Su stuorra oabbá Inger-Anni Valkeapää (14 j) muitala mo olbmážagat álge juoigat Gárasavvona skuvllas oahpaheaddji ja juoigi Vilgon Máreha Anna-Reetta, Anna-Reetta Niemelä geahču vuolde.

–Moai Maren Ellen searvvaime dáiddadáhpáhussii 2. luohkás ja doppe ledne vuosttas geardde juoigan. Jotkkiimet fas 4. luohkás ja dies dat nugo álggii. Fuolkkitge leamašan ilus ja dorjon min.

Oappážiid eadni Tytti Valkeapää muitala, ahte sin dálus gal gullo ollu lávlun ja musihka. Soai leaba Maarit Maggain veahkehan nieiddaid ja jođihan sin iešguđege juigiid luhtte oahppamin eambbo.

Dán dálvvi Oarjánnieiddat – joavku lea fitnan guktii Ohcejogas oahpus.

–Mis lea WhatsApp -joavku, man bokte lea álki gulahallat, čilge Näkkäläjärvi-Länsman sin gáiddusbagadeamis ja rámida go nieiddain lea nu mokta hárjehallat.

Ovttas nieiddat leat juoigan lassin ee. Ijahis Idja -festiválain ja Nuori Suomi -dáhpáhusas.

Joavku juoigá Skábmagovaid nuoraidbeaivvi rahpamis 25.1 ja bearjadaga 26.1. Hotealla Kultahovi eahketdáhpáhusas.

Tästä on kyse

Gova Lassesta Jauristuntureille

Oarjánnieiddat on Enontekiöltä kotoisin oleva joikaava tyttöryhmä. Ryhmään kuuluvat Máren Elle Mäkitalo (14 v), Máret-Elle (12-vuotta) ja Inger-Anni (14-vuotta) Valkeapää. He ovat opetelleet omien sukujen pohjoissaamelaisten joikujen opetteluun ja esittämiseen.

Tällä hetkellä Oarjánnieiddat työskentelee saamelaismuusikko Anna Näkkäläjärvi-Länsmanin kanssa. Ryhmä esiintyy Skábmagovien nuortenpäivän avajaisissa 25.1. ja perjantaina 26.1. Hotelli Kultahovilla järjestettävässä iltatapahtumassa.