Anára gonagasgilvvuid gonagasluohká vuoitiboazu Ote eaiggát Kiiminki-Kollaja bálgesa boazoolmmái Jouni Kyrönniemi mielas vuoitu ligge earenomážit olu, go sin bálgesa boazodilli lea stuorra eahpesihkkarvuođaid ovddas. Ovddit vahkus dollojuvvon Pudasjärvi gávpoga váldostivrra čoakkámis mearriduvvui, čavga jienasteami 18-17 maŋŋel, ahte bálgesa sisa huksejuvvo dahkujávri. Kyrönniemi lei ieš čuovvume dán váldostivrra čoakkáma báikki nalde.
- Dat lea hui morašlaš ášši. Juos dahkujávri boahtá Kiiminki-Kollaja bálgesa sisa, de dat gottálii olles boazodoalu ja maiddái boazogilvoliibbaid ja beroštumi doppe, oaivvilda Kyrönniemi.
Nuorat eai duostta investeret boazodollui
Kollaja dahkujávri lea plánejuvvon Iijoga čázádahkii Pudasjärvi guvlui. Pohjolan Voima -fidnu dutká fidnu váikkuhusaid boazodollui vel lasi ovttas Nuorta-Suoma universitehtain ja Kollaja bálgesiin.
- Sihkkarit manná vel 10-15 jagi ovdalgo mihkkege huksejuvvo, muhto dat buktá eahpesihkarvuođa boazodollui. Oktage nuorra boazodoalli ii duostta bargat investeremiid, go sii šaddet vuordit, ahte boahtágo dat dahkujávri vai ii.
Kyrönniemi muitala, ahte dát lei Ote vuosttaš gilvobadji. Dat čađahii klipsavuodjimiid baji álggus, beasai Luosto gilvvu maŋŋel báhkka luohkkái ja olahii gonagasluohkkái, vaikko ii gilvalan ollenge Äkäslompolos. Kyrönniemi boazu Käry lea boahtán guktii nubbin gonagasluohkás.
- Ote lea albma buorre ja ráfálaš boazu, mii lea buoridan fártta olles áigge, dadjá Kyrönniemi.
Gonagasluohkás nubbin bođii Aleksi / Veeti / Erkki Orre heargi Muksis Narkaus bálgesis ja goalmmádin Vuolab/Tennilä heargi Vaski Báišduottar bálgesis.
"Allas tappaisi kilpaporohommat"
Inarin porokuninkuuskisojen Ote-nimisen voittajaporon omistaja Jouni Kyrönniemi on huolissaan Kiiminki-Kollajan paliskunnan tulevaisuudesta, jos Kollajan tekoallas toteutuu.
- Todella ikävä asia, jos allas tulee. Se tappaisi koko poronhoidon ja samalla myös porokilpailutoiminnan meidän paliskunnassa, sanoo Kyrönniemi.
- Nuoret eivät uskalla investoida tällä hetkellä poronhoitoon, kun odotetaan, että tuleeko allasta vai ei, hän arvioi.