Sámesearvvit City Sámit rs. ja Suoma sámenuoraid searvi SSN luobahe riikkabeaiáirasiidda Saamelaiskiista-girjji mannan bearjadaga ja ordnejit dál Helssegis ságastallandilálašvuođa girjji tema birra. Searvvit sávvet, ahte Saamelaiskiista-girji čuvgehahtálii riikkabeaiáirasiid.
Servviid oainnu mielde sámiid sajádaga ovddideapmái álgoálbmogin galggalii gullat maid ovdamearkka dihte nannosit rolla eanangeavtima stivremis.
- Dát ášši lea boktán garra vuostálastima earenomážit báikkálaš ja guovlolaš dásis. Rivttiid garraseamos vuostálastit riikkabeivviin ledje Lappi riikkabeaiáirasat, oaivvilda Veli-Pekka Lehtola. Girjji luobahemiin ja ságastallandilálašvuođain sámesearvvit geahččalit juohkit rivttes dieđu sámeáššiin.
- Stuorimus easttan sámiid sajádaga ovddideapmái orro leamen dieđu váilon. Dasa lassin sápmelašvuostásaš lihkadus buvttada aktiivvalaččat boasttodieđu sámiin ja ovdamearkka dihte ILO 169 -soahpamušas, oaivvilda City Sámit rs. ságadoalli Pentti Pieski. City-Sámit rs. ordne Gii meroštallá sápmelašvuođa -ságastallandilálašvuođa kultur-guovddáš Nordenis Kaisaniemenkatu 9:is 17.12.2015 diibmu 17.00-19.00. Báikki nalde leat ovdamearkka dihte professor Veli-Pekka Lehtola muitaleame Saamelaiskiista-girjji birra sihke bagadalli, čálli ja sámeaktivista Pauliina Feodoroff hupmame bággosuddadeamis buolvvaid rasttildeaddji vásáhussan.
Ságastallandilálašvuohta maid streamejuvvo, juos oktavuođat doibmet. Stream-oktavuohta gávdno čujuhusas http://youtu.be/Akb2dzyHhLE
Yhdistykset: Pyrkimyksenä oikoa vääriä tietoja
Saamelaisyhdistykset City-Sámit ry ja Suomen saamelaisnuoret SSN järjestävät Helsingissä kulttuuritalo Nordenissa 17.12.2015 Kuka määrittelee saamelaisuuden -keskustelutilaisuuden. Yhdistykset luovuttivat kansanedustajille professori Veli-Pekka Lehtolan Saamelaiskiista-kirjan viime perjantaina.
Yhdistykset toivovat, että Saamelaiskiista-kirja valistaa kansanedustajia ja oikoo vääriä tietoja ja ennakkoluuloja.