Saisiko olla ympäristökonfliktisoppaa -prošeavtta loahpahanseminára dollo bearjadaga Helssegis. Seminára fáddán leat sápmelaččat, árktalaš guovlu ja birasmearrádusat.
Semináras almmustahttojuvvo ja čájehuvvo Porot kuuluvat tuulelle -dokumeanta, mii muitala Giehtaruohttasa boazosápmelaččaid birashástalusain. Dokumeanta čájehuvvo maid otne diibmu 15.30 Anára Skábmagovain. Guktot dilálašvuođain lea báikki nalde maid čájáhalli ja jurista Ánne-Risten Juuso. Helssega semináras sáhkavuoruid dollet ee. ođđa sámediggeáirras ja City-Sámit -searvvi ságadoalli Pentti Pieski , Jagi sápmelaš Outi Länsman , ovttaveardásašvuohtaáittardeaddji Kirsi Pimiä ja ieš prošeavtta dutkit.
Sáhkavuoruid lassin semináras lea maid panelaságastallan riikkaidgaskasaš rivttiid ja instituhtaid mearkkašumis sámiide guoskevaš birasmearrádusain.
Lassedieđut prošeavttas: www.ymparistokonfliktisovittelu.fi
