Deanu guolástanrivttiid eaiggádat Suoma ja Norgga bealde atnet Deanu soahpamušráđđádallamiid meannudanvugiid lágaid vuostásažžan ja vuoigatmeahttumin. Sii bivdet veahki Norgga ja Suoma beale sámedikkiin vai álgoálbmotrivttiid ollašuvvet ráđđádallamiin.
- Mii gáibidat soahpamušráđđádallamiid joatkima stáhtaid virggálaččat nammadan ráđđádallangottiin. Mii eat dohkket ráđđádallamiid lágahis sirdašuvvama moatti virgeolbmo háldui, sii muitalit dieđáhusastis.
Deanu guolástanrivttiid eaiggádat muitalit, ahte sin mielas Deanu soahpamušráđđádallamiid meannudeamit leat leamašan ártegat.
- Oslo ja Helssega virgeolbmot orrot geahččaleamen dál vázzit badjel Deanu báikkálaš vuoigatvuođaeaiggádiid ja soabadit Deanu áššiin doppe máddin guhkkin eret dáppe Deanus min haga. Anan, ahte virgeolbmot leat dahkamin duššin Norgga gonagaslaš resolušuvnna ja Suoma ráđđehusa mearrádusa jagis 2012 Deanu soahpamušráđđádallamiid sáttagottiid ásaheamis, dadjá Deanučázádaga Guolástanhálddahusa nubbinjođiheaddji Edvard Nordsletta .
Sii muitalit, ahte Norgga ráđđehusa stáhtačálli Lars Andreas Lunde ja Suoma eana- ja meahccedoalloministara sierraveahkki Jukka-Pekka Kataja leaba mannan čavčča soabadan Norgga ja Suoma stáhta bealis das, man vuođu ala Deanu soahpamuš ja guolástannjuolggadus galgá huksejuvvot.
- Norgga ja Suoma ráđđádallanorgánaid jođiheaddjit leat ge guorrasan sudno árvalusaide ja hilgon virggálaš ráđđádallanorgánaid oalát. Guovddášeiseválddit Norggas ja Suomas orrot ná geahččaleamen garvit min ieš áššeoasálaččaid. Mii gáibidat Deanu soahpamušráđđádallamiid meannudanvugiid čorgejuvvot nu, ahte guolástanvuoigatvuođaid eaiggádat váldojuvvot duođalaččat ráđđádallanprosessii ruovttoluotta fárrui. Šiehtadallamiid galgá ge joatkit ja doalvut lohppii virggálaš ráđđádallansáttagottiid bokti, muitalit guolástanrivttiid oamasteaddjit
Pitävät neuvoteluja epäoikeudenmukaisina
Tenon kalastusoikeuksien haltijat Suomen ja Norjan puolella pitävät Tenon sopimusneuvottelujen menettelytapoja lainvastaisina ja epäoikeudenmukaisina. He pyytävät asiassa apua saamelaiskäräjiltä.
- Me vaadimme sopimusneuvottelujen jatkamista valtioiden virallisesti nimittämiltä neuvottelukunnilta. Me emme hyväksy neuvottelujen laitonta siirtymistä muutaman virkamiehen haltuun, he kertovat tiedotteessaan.