Lullisápmelaš musihkar ja boazoolmmai Jon Henrik Fjällgren lea pláneme bargat filmma iežas eallima birra.
- Mus lea leamašan dát jurdda juo guhká, muhto dan ii leat nu álki ollašuhttit. Mun jáhkán, ahte ferten leat psyhkalaččat ráhkkanan dasa. Sáhttet boahtit gatnjalat, illu ja bohkosat. Leat olu áššit mielas mat bohtet ovdan, son muitala Aftonbladet-aviisii.
Aviissas muitaluvvo, ahte nuorravuođas Fjällgren lea givssiduvvon ja sus lea leamašan mielas juobe goddit iezas.
- Leat nu olu áššit maid hálidan muitalit ja hálidan doarjut iežá nuoraid ja olbmuid. Várra sáhtálin oažžut olbmuid dovdat iežaset, ahte sii eai leat nu akto iežas váigatvuođaiguin. Lihkus mun cevzen ja gávdnen ođđa bálgá ja dan dihte jáhkán, ahte iežátge sáhtten dan dahkat, lasiha Fjällgren.
Fjällgren almmustahtii mannan vahkus ođđa bihtá "Vår framtid" ja dán jagi loahpas galggalii boahtit olggos maid ođđa skearru.
Fjällgren jearahallan Ruoŧagillii dáppe: