Leammi álbmotmeahci 60-jagi ávvodoaluid ja Eurohpá kulturbirasbeaivvi gudnin ordnejuvvo mátki Sállevári boares rátkkagárddi lusa. Meahciráđđehus muitala, ahte ovdalaš áiggi gárddástallaneallima muittašit Sállevári historjjálaš rátkkagárddi luhtte 10.09.2016.
- Mátki dahkkojuvvo buoremus ruškki áigge ja tuvrras oahpásmuvvet Sállevári divoduvvon bigálusáidái ja dan viiddis gámpábirrasii, muitala Meachiráđđehus.
Eurohpá kulturbirasbeaivi čohkke jahkásaččat olbmuid ávvudit kulturbirraseaset ja -árbbiset. Dán jagi temán lea "Joavkku báikkit, oktasaš birrasat".
- Beaivvi áigge Sállevári bigálusgárdi lea deaivvadanbáikin dego ovddeš áigge ja doppe deaivvadit sierra sohkabuolvvat. Earenoamážit 1950-60 -loguin bigálusaid áigge Sálleváris sáhtii leat oalle ealás eahketeallin go gárdde luhtte čuojai geasanas ja muhtimin sáhtte leat dánssatge. Sállevári tuvrras leage fárus geasanasa čuojaheaddji.
Meahciráđđehus muitala, ahte Sállevári gárddi lusa ordnejuvvo gikta, mii johtá Vuohčus Anára bokte Riebanjohkii, gos vuolgá 6 km guhkki bálggis gárddi lusa.
- Sálleváris lea vejolašvuohta boradit ja káfestallat, muhto fárrui sáhttá váldit maid iežas nisttiid. Oassálastinmáksu oktan sáhtuin ja borramušain lea olles olbmos 20 € (10 € sáhttu + 10 € borramuš), 7-12 -jahkásaš mánáin 10 € ja vuollel skuvlaahkásaččat besset searvat nuvttá.
Ilmmuheamit, mainna čatnasa vuolgit tuvrii, galget dahkkojuvvot maŋimustá 8.9.2016 diibmu 19.00 rádjái. Ilmmuhemiid váldet vuostá Luondduguovddáš Siida ja Bálvalanbáiki Kiehinen.