Ehtalaš ráv­va­gat sámi tu­rism­ma várás

Gosa guvlui sámi turismma galgá ovddidit? Gávdnojitgo báikkit dahje dilálašvuođat gosa eat hálit turisttaid govvet? Gokko mannet ráját vai galgágo buot leat rabas turismaealáhusa várás?

Die moadde ášši maidda Sámedikkis aiddo álgán kultuvrralaččat vásttolaš sámi turismaprošeakta ohcá vástádusaid.

Sámediggi hábmegoahtá rávvagiid sámi turismma buktagiidda ja prográmmaide sihke ovdanbuktimii.

Sámediggi áigu dál gulaskuddat sámi turismafitnodagain, duojáriin, sámi servviin ja eará sámi doibmiiguin gosa guvlui sámi turismma galggašii ovddidit.

- Ohcalit ovttasbarggu iešguđege sámi mátkeealáhusa doibmiiguin ja hástalit sin searvat mielde, lohká prošeavtta plánejeaddji Kirsi Suomi .

Sámediggi čađaha dán giđa čielggadanprošeavtta, man boađusin šaddet sámi turismma várás ehtalaš rávvagat. Rávvagiid vuolggasadjin lea sámi kultuvra.

- Ulbmilin lea ahte rávvagat bálvalivčče iešguđege turismasuorggi doibmiid ja čanusjoavkkuid nu viidát go vejolaš, čilge Suomi.

Sámi turismafálaldat dahje -buvtta lea dehálaš gilvalanovdamunni ja Sámediggi háliidage gullat sámi doibmiid oaiviliid vásttolaš ja bissovaš sámi turismmas. Turismma treanddat rievddadit ja nu dahket maid iešguđege lágan buktagiid ja fálaldagaid jearru ja/dahje fálaldat.

Vai boahttevaš rávvagat vástidit viidát dálá dárbbuide, sámediggi sávvá ahte doaibmit vástidit aktiivvalaččat gažaldagaide.

Gažadeapmi sáddejuvvo cuoŋománus ulbmiljovkui. Gažaldagaide sáhttá vástidit báhpára alde dahje elektrovnnalaččat.

Rávvagiidda sáhttá váikkuhit buoremusat nu ahte vástida gažadanskovvái.

- Hástalan olusiid nu viidát go vejolaš vástidit ja muitalit oaiviliid, ávžžuha Suomi.

Mistä on kyse?

Eettiset ohjeet saamelaismatkailulle

Saamelaiskäräjät luo eettiset ohjeet saamelaismatkailun tuotteistamiselle ja esittämiselle. ? Ohjeistuksella pyritään luomaan suuntaviivoja ja toimintaperiaatteita sosiaalisesti, kulttuurisesti ja ekologisesti kestävälle saamelaisuuteen perustuvalle matkailulle.

Hanke hakee vastauksia mm. siihen mitkä asiat halutaan pitää kulttuuri sisäisinä, turistin katseen ulottumattomissa. Valmistuttua eettinen ohjeistus laitetaan laajaan jakeluun.