Tampere universitehta dutki Heta Heiskanen mielas meahciráđđehuslága gieđahallamis boahtá leat mearkkašahtti rollas dat makkár deattu riikkabeaivvit bidjet Suoma olmmošrivttiid beaggimii ja makkár deattu Lappi riikkabeaiáirasiid oaiviliidda sámeáššiin. Riikkabeaivvit gieđahallet meahciráđđehuslága čuovvovaš háve guovvamánu álggus. Ráđđehus lea plánen, ahte meahciráđđehusláhka boađálii fápmui juo njukčamánus.
- Mii oaidnit dasto, ahte vuitetgo olgopolitihkalaš intereassat ovtta ráđđehusbellodaga vuostálastima. Rievdadusat leat vejolaččat ja váljagoddegullamat sáhttet leat mearkkašahtti rollas, oaivvilda Heiskanen.
Heiskanen váldá várás bloggačállosistis beali meahciráđđehuslága gieđahallamii riikkabeivviin ja dasa manin sámeparagráfat leat sihkkojuvvon eret láhkaevttohusas. Su mielas váldosivvan sámeparagráfaid sihkkumii lea dat, ahte dálá ságastallama riikkabeivviin stivrejit Lappi riikkabeaiáirasat, geat vuostálastet sámeparagráfaid.
Son čállá maid, ahte Eanan- ja meahccedoalloministeriijas leat ákkastallan sámeparagráfaid sihkkuma dainna, ahte ILO 169 -soahpamuša ratifiseren ii leat girjejuvvon ráđđehusprográmmii. Heiskanen mielas dát ii goitge oaivvil dan, ahte soahpamuš ii ratifiserejuvvolii dán válgabajis.
- Ráđđehusprográmmas leat muđuige nu unnán olmmošriektegirjemat, ahte jáhku mielde ráđđehus bargá olmmošrivttiiguin eanet go maid fal girjemiid jelgii sáhttá árvvoštallat, oaivvilda son.
Heiskanen deattuha čállosistis maid Ovttastuvvan našuvnnaid (ON) rola mearkkašumi. ON álgoálbmotrivttiid sierraraportevra moittii Suoma duvle das, ahte sámeparagráfat leat sihkkojuvvon eret meahciráđđehuslágas.
- ON:a cealkámušain lea garra olgopolitihkalaš sátni. Suoma olgopolitihkalaš ovdun livčče váldit vuhtii daid. Ilmmuhiihan Suopma juovlamánus, ahte dat áigu ohcat ON olmmošriekteráđi áirrasin ja kámpanjeren álgá fargga, smiehttá Heiskanen.
Heiskasa bloggačálus: http://politiikasta.fi/miksi-metsahallituslaissa-painettiin-deletea
Järeä viesti YK:lta
Tutkija Heta Heiskanen pohtii blogissaan syitä miksi metsähallituslaista on poistettu saamelaispykälät ja mitä mahdollisia vaikutuksia sillä on Suomen ulkopolitiikkaan. Hän huomioi YK:n taannoin Suomelle asiasta antamat moitteet.
- YK:n ulostulo on varsin järeä ulkopoliittinen viesti. Suomen ulkopoliittinen etu olisi ottaa huomioon YK:n kannanotto. Suomi nimittäin ilmoitti hakevansa ihmisoikeusneuvoston jäseneksi ja kampanjointi alkanee pian, hän kirjoittaan.