Arvi Hagelin lea dahkan sámediggái rabas jearaldaga Deanu soahpamuša ođasmahttimis ja jearrá, maid sámediggi áigu bargat áššiin.
Suoma sámedikki oainnu mielde Deanu soahpamuša ođasmahttimis sámiid árbevirolaš guolásteami ii oaččo ráddjet dálážis ja dáluid bivdovuoigatvuođaid galgá čielggadit. Dáluid oamastanvuoigatvuohta ja sierravuđđosaš guolástanvuoigatvuođat vuođđuduvvet sámekultuvrii Deanu guolástanbiirres. Nuba bivdovuoigatvuođaid oamasteaddjiin ja hálddašeaddjiin galget leat earáid viidásut bivdovuoigatvuođat sihke áiggi ja viidodaga beales ja turistaguolásteaddjiid jándorvuđot bivdoáiggi galgá geahpedit.