Norgga Sámediggi lea ođasmahttán ovdal almmustahttojuvvon davvisámegiela Čállinrávagirjji, man dat buvttadii jagis 2003. Giellagáldu lea dohkkehan ođasmahttojuvvon girjji 13.04.2016, muitala NRK Sápmi.
Riektačállinrávvagat-girjjis leat mielde dábáleamos čállinrávvagat ee. mo gaskamearka, rihkku, čuokkis, beallečuokkis, gažaldatmearka, čuorvvasmearka, finjusáhcu ja iežá čállinmearkkat galget geavahuvvot.
Girjjis gávdná maid vástádusaid dábáleamos gažaldagaide, ee. vierissániid ja loatnasániid geavaheami, sátnejuohkima ja álgobustávaid birra. Girjái leat maid váldán mielde rávvagiid mo davvisámegiela oanádusat adnojit.
- Sámediggi oinnii dárbbu ođasmahttit Čállinrávagirjji, go ovddit veršuvnnas ledje ollu boasttuvuođat, váilivuođat, ii ge lean nu álki geavahit, muitala Norgga Sámedikki presideanta Aili Keskitalo dieđáhusas.
Girji almmustahttojuvvo vuosttažettiin interneahtas.