Sápmelaččat ávvudit 100-jahkásaš Davviriikkalaš ovttasbarggu máŋggalágan dilálašvuođaiguin. Anáris ordnejuvvojit dilálašvuođat maiguin ávvudit maiddái Suoma 100 jagi iehčanasvuođa. Dásseválddi presideanta Sauli Niinistö ja rovvá Jenni Haukio oassálastiba Anáris SuomiSápmi 100+100 ávvudemiide. Váldodáhpáhus lágiduvvo sámekulturguovddáš Sajosis.
Yle Sápmi sádde njuolggosáddagin interneahta bokte Anára SuomiSápmi 100 + 100 ávvudoaluid dii 10.40 rájes, masa presideantapárra oassálastá. Njuolggosáddaga liŋka gávdná Sámi oahpahusguovddáža ruovttusiiddus vuossárgga 6.2.
Maid Sámemusea ja luondduguovddáš Siida ordnejit álbmotbeaiprográmma olles beaivvi. Sámemusea sáhttá oahpásmuvvat Yle Sápmi Ealli arkiivii, geahččat oanehaš filmmaid, oahpásmuvvat anárašgielat digitála e-sátnegirjji birra. Lassi sámekultuvrra ávvuruđa plánengilvu almmustahtto museas.
Heahtás ja Ohcejogas maid lágiduvvojit doalut. Ohcejogas lea vierrun lágidit oktasaš álbmotbeaivedoalut ovttas sirbmálaččaiguin. Dán jagi Niillas Somby muitala Gumppe diimmus girjjis ja doalut leat Ohcejohnjálmmi skuvllas juo sotnabeaivve 5.2. dii 14.00 . Heahtás álbmotbeaivedoalut lágiduvvojit Tunturi-Lappi luondduguovddážis, gos lea vejolaš geahččat Katja Gauriloff bálkkašuvvon filbma Kuun metsän Kaisa . Prográmma álgá mánnodaga 6.2. dii 12.00.
Sámi álbmotbeaivedoalut lágiduvvojit maid sámeguovllu olggobealde.
Dán jagi Troandima gávpogis dahje Tråantes lágiduvvojit stuorra sámi kulturdoalut ja politihkalaš čoahkkaneapmi.
Muhtun sáhttá ribahit jurdilit ahte manin aiddo dohko ja dalle ferte guovlat sámiid historjjá čuođi jagi duohkái. Čuođi jagi dassái guovvamánu 6. beaivve 1917 Davviriikkaid sápmelaččat álggahedje ovttasbarggu riikkarájáid rastá ja danin dát beaivi lea válljejuvvon maid sámiid álbmotbeaivin.
Saamelaisten kansallispäiväntapahtumia
Saamelaiset juhlistavat 100 vuotta täyttävää pohjoismaista yhteistyötään lukuisin tilaisuuksin. Saamelaisten kansallispäivää juhlitaan ainakin Inarissa, Enontekiöllä ja Utsjoella sekä saamelaisalueen ulkopuolella.
Tasavallan presidentti Sauli Niinistö ja rouva Jenni Haukio osallistuvat Inarissa järjestettäviin SuomiSápmi 100+100 tilaisuuksiin. Juhlaa voi seurata internetin välityksellä klo 10.40 alkaen.