Sámi joavku bođii viđadin Čáhppesmeara nuortagáttis Abkhasia-guovllus dollon ConIFA World Cup -spáppačiekčangilvvuin. Sámi joavku vuittii maŋemus spealu, mii lei Oarje-Armenia joavkku vuostá, moalain 3-0. ConIFA Cuppa vuittii ordnejeaddji Abkhasia joavku, mii vuittii sotnabeaivve dollon finálas FA Panjaba.
Sámi joavku (FA Sápmi) vuittii ConIFA Cuppas aktiibuot golbma spealu ja dáhpii guokte. NRK Sámi jelgii maŋemus spealus Sámi joavkkus čikče Alexander Ellingsen , Tom Karlsen , Jarkko Lahdenmäki , Per Jon Huuva , Jirijoonas Kanth , Stein Arne Mannsverk , Samuli Laitila , Jon Steinar Eriksen , Johan Bergkvist , Jørgen Jerijervi ja Erik Bertelsen .
ConIFA Cup lea oaivvilduvvon riikkaide, álbmogiidda ja guovlluide mat eai lea mielde riikkaidgaskasaš spáppačiekčanlihtus FIFA:s. Conifa Cuppas ledje dán jagi mielde aktiibuot 12 joavkku earret eará Kurdistan, Somalieanan, Davvi Kypros ja Padania.