Sámenuoraid dáiddadáhpáhus oahpisin -čájáhus rahppojuvvo Duottar-Sámi luondduguovddážis Heahtás bearjadaga 8.1.2016 diibmu 13.00. Sámemusea Siida ja sámedikki skuvlen- ja oahppomateriáladoaimmahat leat ollašuhttán čájáhusa, masa leat čoaggán muittuid dáiddadáhpáhusain gitta 1990-logu rájes.
Čájáhus lokte govaid, filmmaid ja nuoraid dujiid bokte oidnosii dáhpáhusa viiddis mearkkašumi oassin ealás sámekultuvrra. Čájáhus lea johtán Siiddas Ohcejoga Áilegasdálu ja Turku girjemeassuid bokte Heahttái, gos dasa beassá oahpásmuvvat njukčamánu loahpa rádjái. Heahtás čájáhus johtá Vuhččui.
Sámenuoraid dáiddadáhpáhusat leat ordnejuvvon 1970-logu beallemuttu rájes ja sámediggi lea koordineren ordnemiid jagi 1998 rájes.
Dán jagi dáiddadáhpáhusas Anára Sajosis váldotemán lea teáhter ja sámetemán bargobájit, main oahpahuvvo dánsun, mii lea jagi 2017 riikaviidosaš fáddá.
Gáldun: lundui.fi