NRK Sápmi muitala, ahte boazoolbmát leat geahččalan sosiála medias čalmmustahttit meahciealliváttisvuođaid ja bidjat johtui ságastallama ášši birra. Dál lea guottetáigi ja NRK Sápmi muitala, ahte sosiála mediaide leat ihtán ee. govat ja filmmažat mat čájehit miesážiid maid goaskin lea goddán.
Norgga boazosápmelaččaid riikkasearvvi (NSR) jođiheaddji Ellinor Marita Jåma lea duhtavaš go boazoolbmát lea álgán juohkit dáid filmmaid. Son lohká, ahte filmmat leat dehálaš duođaštussan meahcieallidillái.
Jåma jelgii virgeoapmahaččat eai leat váldán vuhtii boazoolbmáid gáibádusaid geahpedit meahcielliid, mat goddet bohccuid.
- Ii ábut go joatkit ja geahččalit ieš váikkuhit áššái. Gal ferte gávdnot juoga nu čoavddus dasa, ahte meahccielliid meari sáhtálii geahpedit. Dáinna áššiin lea bargon juo máŋga jagi, muhto ožžon unnán doarjaga virgeoapmahašain, dadjá Jåma NRK Sápmái.