Albasa meahcásteapmi náli dikšuma dihte álgá golggotmánu álggus. Bivddu dihte galgá ohcat sierralobi Suoma fuođđoguovddážis. Albasa bivdui boazodoalloguovllus dárkkuhuvvon sierralobiid sáhttá ohcat Suoma fuođđoguovddážis 8.8.2016 rádjai.
- Albasa meahcásteapmái dárkkuhuvvon sierralobiid gánniha ohcat elektronalaččat čujuhusas luvat.riista.fi. Elektronalaš lobi sajis lea maid vejolaš bidjat ohcamuša šleađgapoasttain dehe reivviin ja guođđit dan Suoma fuođđoguovddáža lohperegistrerenkantuvrii, muitala Suoma fuođđoguovddáš dieđáhusastis.
Sierralobiid albasa meahcásteapmái náli dikšuma dihte sáhttá mieđihit fal guovlluide, gos lea nana albbasnálli. Sierralobiid mieđiheamis váldojuvvojit vuhtii earenoamáš stuora boazovahágat.
- Seamma guovlluide eai mieđit badjálas sierralobiid. Mii ávžžuhit ohcciid ovdal ohcamuša guođđima gulahallat guovlodoaimmahagain, gos gullá dalá ohcamušdili, muitala Suoma fuođđoguovddáš.