Beassážiid váldodáhpáhusat leat dán jagige Norgga Sámis.
Guovdageainnu Sámi Grand Prix -juoigan- ja lávlungilvvuid finálain gilvalit 12 juoigi ja 6 artistta. Guktuin finálain leat mielde maid Suoma beale sámit.
Anáraš Neeta Jääskö , gii vuittii Suoma juoiganoassegilvvu, livđu dehege ovdanbuktá anáraš livđe ja vuohččulaš Mathis Ole Vars juoigá iežas nieiddaža Biret Ingermaria Vars . Lávlunfinálas gilvala Hildá Länsman joavku Gájanas Anáris ja Ohcejogas, mii lea ovdal čuojahan namain Out of the Woods. Gájanasa bihttá namma lea Áiggiid čađa. Ruoŧa juoiganoassegilvvu vuoiti Tanja Nordfjell báhcá Ruoŧa sámeradio dieđuid mielde eret finálas.
SGP-finála sáhttá geahččat neahttasáttan mávssu vuostá. Festivála fállá maid ođđalágan bileahtaid: VIP-bileahta mainna oažžu buoremus čohkkansaji, beavddi, juhkamuša ja borramuša sihke gollebileahta, mainna beassá njealji konsertii: skilleduorastaga juoigankonsertii, guhkesbearjadaga eahketkonsertii, Sámi Grand Prix’ai VIP-guossin ja beassášlávvordaga eahketkonsertii, mat leat buot Báktehárjjis.
Guovdageainnu beassášprog-rámma lea álgán jo mannan vahkus konfirmašuvnnaiguin. Prográmmas leat maid earret eará skilleduorastaga Ailu Valle rap-musihkkačájálmas Gávvilis rieban ja Sančuari konsearta, guhkesbearjadaga skohtergilvu ja Ágy konsearta sihke beassášlávvardaga Johan Anders Baer ja Jon Henrik Fjällgren konsearttat.
Dáid beassážiid ávvuduvvo maid Kárášjoga 150 jagi ávvujahki. Skilleduorastaga Kárášjogas čuojahit earret eará Intrigue ja Amund Johnskareng , guhkesbearjadaga Mari Boine ja Sáve, ja beassášlávvordaga KaraX-skohtergilvofeasttas Felgen Orkester ja Sančuari.
Heargegilvvuin skilleduorastaga lea sprinta Kárášjogas, beassášlávvordaga World Cup -heargegilvu Guovdageainnus sihke guhkesbearjadaga ja beassášlávvordaga viđát Boazocup-oassegilvu ja njoarosteami suomameašttirgilvu Savukoskis.
Norjan puolella tapahtuu
Pääsiäisen saamelaistapahtumat keskittyvät tänäkin vuonna Norjan puolelle. Kautokeinon Sámi Grand Prix -finaalissa on kuitenkin mukana myös Suomen puolen saamelaisia. Inarilainen Neeta Jääskö esittää joikufinaalissa inarinsaamelaisen livđen ja vuotsolainen Mathis Ole Vars joikaa tyttärensä Biret Ingermarian. Laulufinaalissa esiintyy utsjokelaisen Hildá Länsmanin ryhmä Gájanas. Finaalin voi katsoa internetistä maksusta.