Beaivváš Sámi Teáhter muitala dieđáhusastis, ahte Norgga árvvoštalliidsearvi, teáhter-, musihkka- ja dánsunossodat, lea mánnodaga nammadan Beaivváš Sámi Teáhtera teáhterčájálmasa Vidas Extremas 2015-2016 evttohassan árvvoštalliid bálkkašumi oažžun.
- Stuora rámiin dustet nammadeami. Dát mearkkaša hui olu iežamet iešdovdui ja muitala ahte mii buvttadit alla dasset teáhtera ja ahte mii leat dehálaš oassi sámi ja gaskariikkalaš teáhterbirrasis. Sihke Sámi Našunálateáhter ja min ovttasbuvttadeaddji Vidas Extremas buvttadusas Hætta Productions, duođai illudit dál, muitala Beaivváš-teáhtera teáhterhoavda Rolf Degerlund .
Iežá evttohasat baji 2015-2016 Norgga árvvoštalliidsearvvi bálkkášumi oažžun teáhter-oasis leat Pia Maria Roll Nå løper vi -tehterbihtá bagadallamis ja Laurent Chétouane Den Stundesløse -tehterbihtá bagadallamis.
Bálkkášumi vuoiti almmustahttojuvvo Oslos 29.09.2016.