Oaivegávpotsámiid searvi City Sámit rs. hálidii boktit mánáid rivttiid beaivve 20.11.2015 ságastallama sámemánáid rivttiid birra. City Sámit rs. barggai ovttas sámestudeanttaiguin ja giellabeasi mánáid vánhemiiguin virggálaš álgaga Helssega gávpogii sámegieloahpaheaddji virggi vuođđudeamis Helssegii.
Giellabeassi Máttabiekka mánát ja oaivegávpotguovllu sámestudeanttat doaimmahe álgaga sámegieloahpaheaddji virggi vuođđudeamis Helssega veahkkegávpothovdii Ritva Viljasii bearjadaga gávpotdálus.
City Sámit rs. doallá badjin davvisámegielat giellabeasi Máttabiekka Oarje-Pasilas, gos logi vuollel skuvllaahkásaš máná oahppet sámegiela giellalávgumis.
- Sámemánáide galgá dorvvastit rievtti lohkan- ja čállindáidui iežaset eatnigielli. Riekti sámegillii gullá maid daidda mánáide, geaid bearrašiin sámegiella ii šat hubmojuvvo. Giellabeasi mánáid gielladáiddu galgá doallat badjin ja ovddidit dan maid dalle go mánát mannet skuvlii. Dasa lassin oaivegávpotguovllus leat olu dakkár mánát, geat eai beasa sámeoahpahussii dál, muitalii City Sámit rs. dieđáhusastis.
Searvi muitala, ahte dál sámegielaoahpahus fállojuvvo juohke oaivegávpotguovllu gielddas, muhto oahpahusas láve boatkanit jahkásaččat. Danin searvi sávvá bissovaš virggi.
- Oahpaheaddji doaimmalii sámeluohká oahpaheaddjin ja dasa lassin oahpahivčče Helssegis, Espoos ja Vantaas. Iežas luohkkálatnja ja ollesáigásaš oahpaheaddji sáhtále dorvvastit oahpahusa joatkašuvvama ja dat maid loktelii sámegielohppiid meari. Lunddolaš sadji sámeluohkkái sáhtálii leat Oarje-Pasila vuolledássi, mii lea áibbas Máttabiekka bálddas.
Helssegis fállojuvvo juo suopma-esttegiela, suopma-kiinnágiela, suopma-eŋgelasgiela, suopma-fránskagiela sihke suopma-espánjagiela oahpahusa.
- Suopma-sámeoahpahus livčče lunddolaš lassi guovttegielat oahpahusa joatkašuvvamii, doibmethan Helssegis juo guokte sámegielat árabajásgeassinovttadagage, oaivvildii City Sámit rs.
Oikeus oman kielen opetukseen
City Sámit ry. halusi nostaa lapsen oikeuksien päivänä julkiseen keskusteluun saamelaislasten oikeudet.
City Sámit ry. teki yhdessä saamenopiskelijoiden ja kielipesän lasten vanhempien kanssa virallisen aloitteen Helsingin kaupungille saamenopettajan viran perustamisesta Helsinkiin.
Yhdistyksen mukaan oma luokkatila ja kokoaikainen opettaja turvaisivat opetuksen jatkuvuuden.