Dálá áigge sosiála mediaid bokte álgoálbmotságat johtet jođánit. Lohkat birasdáistalemiid birra miehtá máilmmi. Maŋimuš áiggiid sámi medias leat eanemus beaggán oljobohceášši Dav-vi-Dakotas Amerihkás. Sámeguovllus muitit bures Gállok ruvkeášši Johkamohkis ja Nellima vuovdečuollanáššis ii leat nu máŋga jagi.
- Dakota ášši soaitá šaddat dálá áiggi álgoálbmotdáistalemiid ovdagovvan, árvala professor Matthew Rimmer .
Dakota ášši lea fidnen olu fuomášumi ja beakkán olbmot, dego beakkán girječálli Naomi Klein leat fitnan Dakota aktivisttaid luhtte oahpásmuvvamin áššái.
Rimmer muitalii ahte Austrálias lea maid bárisin jođus álgoálb-motdáistaleapmi, man gohčodit Adani áššin. Adani fitnodat lea plánemin geađgekoallaruvkki Carmichael guvlui, man Wangan ja Jagalingou árbevirolaš oamasteaddjiid ráđđi vuosttilda.
- Adani ášši lea miellagiddevaš dan dihte, go Australia lea ratifiseren ON álgoálbmotvuoigatvuođaid julggaštusa.
Rimmera muittuha ahte julggaštusas lea artihkal 31, man mielde álgoálbmogiin lea vuoigatvuođa doalahit, stivret, suodjalit ja ovddidit iežaset kultuvrralaš árbbi, árbedieđu ja árbevirolaš kultuvrralaš olggosbuktimiid. Rimmera mielde artihkal 31 lea buorre ja oppalaš artihkal, man galggašii eanet heivehit álgoálbmotáššiide.
The Guardian birasođđasa (7.12.2016) mielde Wangan ja Jagalingou ovddasteaddjit áigot vuosttildit geađgekoallaruvkki gearregiin nu alla dássái go lea dárbbašlaš.
Professor Matthew Rimmer bargá vuoiŋŋalaš vuoigatvuođaid ja innovašuvnnaid professorin Queensland teknihkalaš universiteahtas, Brisbane gávpogis Austrálias. Son lea almmuhan máŋga girjji vuoiŋŋalaš vuoigatvuođaid birra.
Rimmer lei bovdejuvvon doallat sáhkavuoru Lappi universiteahta lágidan seminárii, mii gieđahalai álgoálbmotdieđu, vuoiŋŋalaš vuoigatvuođaid ja olmmošvuoigatvuođaid. Seminára lágiduvvui juovlamánu 5. beaiv-ve Árktalaš guovddážis.
Australiassa alkuperäiskansa vastustaa kivihiilikaivosta
Australiassa Wangan ja Jagalingou alkuperäiskansan edustajat vastustavat suunniteltua kivihiilikaivosta. Kiinnostavan asiasta tekee se, että Australia on ratifioinit YK:n alkuperäiskansojen oikeuksia koskevan julistuksen.
Alkuperäiskansojen ympäristötaisteluita on käynnissä ympäri maailmaa. Professori Matthew Rimmer luennoi alkuperäiskansojen ympäristötaisteluista ja ilmastonmuutoksesta seminaarissa Arktisessa keskuksessa 5. joulukuuta.