Parissas duvle dohkkehuvvon dálkkádatsoahpamuš ii sisttisdoala álgoálbmotrivttiid.
Álgoálbmotrievttit namuhuvvojit dušše soahpamuša álgosániin. Čadni soahpamuššii dohkkehe dušše álgoálbmogiid dieđu.
Ruoŧa sámedikki stivrra várreságadoalli Josefina Skerk civkkii dađistaga soahpamuša dohkkeheami maŋŋel, ahte vuosttamužžan dálkkádatrievdamis gillájit álgoálbmogat, muhto sii leat maŋimuččat geat suodjaluvvojit COP21-soahpamušas.
Skerk ii lean duđavaš soahpa-muša sátnehámiide dego "vuhtiiváldit" ja dasa, ahte álgoálbmogat eai namuhuvvo go álgosániin.
Álgosániin daddjojuvvo, ahte dálkkádatrievdan lea olles olmmošgotti aktasaš fuolla ja ahte oassebealit galggale gudnejahttit, promoteret ja vuhtiiváldit iežaset geatnegasvuođaid olmmošrivttiid dáfus, dearvvašvuohtarivttiid dáfus, álgoálbmotrivttiid dáfus, báikkálaš servošiid dáfus, fárrejeddjiid dáfus, mánáid dáfus, doaibmahehttejuvvon olbmuid dáfus ja sin dáfus, geat leat hearkkes dilis, ja maid ovdánanrivttiid, sohkabeliid dásseárvvu, nissonolbmuid nanosmahttima ja buolvvaid gaskasaš vuoiggalašvuođa dáfus.
Álgoálbmogiid diehtu namuhuvvo soahpamuša paragráfas, mas oassebealit ávžžuhuvvojit váldit vuhtii ja ohcat ráđi earret eará álgoálbmogiid dieđus.
Suoma sámedikki ságadoalli Tiina Sanila-Aikio civkkii maid soahpamuša dohkkeheami maŋŋel giitin dihte eŋgelas- ja davvisámegillii máilmmi álgoálbmogiid, sámedikkiid, Sámiráđi ja sámeservviid buori barggus Parissa soahpamušráđđádallamiin.
Norgga sámedikki presideanta Aili Keskitalo dajai ráđđádallamiid áigge, ahte dálkkádatšiehtadus mii čielgasit dohkkeha olmmošvuoigatvuođaid ja álgoálbmogiid vuoigatvuođaid lea áibbas dárbbašlaš dan dohkkeheapmái, ahte buot stáhtain lea oktasaš ovddasvástádus boahtteáiggi máilmmiviidosaš dálkkádatčovdosiin. Dakkár ovddasvástádus manná su mielas viidáseappot go ovttaskas riikkaid beroštumit.
Oikeudet ulkona sopimuksesta
Pariisin ilmastosopimus ei pidä sisällä alkuperäiskansojen oikeuksia. Ne mainitaan vain alkusanoissa ja sitovaan sopimukseen kelpuutettiin ainoastaan maininta alkuperäiskansojen tiedosta.
Ruotsin saamelaiskäräjien hallituksen varapuheenjohtaja Josefina Skerk moitti sopimusta Twitterissä. Hän muistutti, että alkuperäiskansat ovat ensimmäisiä, jotka kärsivät ilmastonmuutoksesta, mutta viimeisiä, joita sopimus suojelee.