Ovttastuvvan Našuvnnaid dálkkadatčoakkán lea álgán Parissas. Dan ulbmilin lea vuolláičállit ođđa čatni dálkkadatsoahpamuša, mii ráddje eananspáppa liegganeami guovtti gráđđii.
Álgoálbmogat dolvot iežaset dearvuođaid dálkkadatčoakkámii.
Álgoálbmogat miehtá máilmmi leat čoahkkanan ovdal Parissa čoakkáma ja maid Suoma Sámediggi ja Sámiráđđi leamašan mielde. Boađusin lea oktasaš evttohus Parissa dálkkadatráđđádallamiidda ja boahtteáigái.
Álgoálbmogat celket, ahte sin vuordámuš lea, ahte riikkat čatnašuvvet dustet dálkkadatrievdama ja geahpedit fossila boaldámušaid geavtima.
Álbmogiidgaskasaš álgoálbmogiid dálkkadatrievdanforum lea čohkken álgoálbmogiid guovddášsávaldagaid máilmmi njunnožiidda Parissas.
1. Álgoálbmogiid rivttiid galgá gudnejahttit oassin viidásot olmmošriekterámma dálkkadatrievdanpolicyin ja -doaibmabijuin.
2. Álgoálbmogiid árbevirolaš diehtu, innovašuvnnat ja geavahagat ja positiiva bargu dálkkadatvuogáidahttima ovdii galget dovddastuvvot. Seammás galgá gudnejahttit álgoálbmogiid árbevirolaš ealáhusaid.
3. Álgoálbmogiid dievaslaš ja beaktilis oassálastin galget dorvvastuvvot dálkkadatrievdamii laktaseaddji proseassain ja prográmmain báikkálaš, riikkaid dási, guovlluid ja álbmogiidgaskasaš dásiin. Maid nissonolbmot, doaibmahehttejuvvon olbmot ja nuorat galget leat mielde.
4. Álgoálbmogiidda galgá sihkkarastit njuolggoluotta dálkkadatruhtadeapmái. Sihke ovddidanriikkaid ja oarjemáilmmi álgoálbmogat galget oažžut dákkár ruhtadeami buot dálkkadatrievdandoaimmaide.
Álgoálbmogat deattuhit oktasaš cealkamušas álbmogiidgaskasaš soahpamušaid mearkašumi.
- Mis lea nana jáhkku, ahte álgoálbmogiid rievttit galget lea guovddážis Parissa ságastallamiin, bohtosiin ja ollašuhttimis. Álgoálbmotrivttiin mii oaivvildit daid rivttiid, mat leat dovddastuvvon álbmogiidgaskasaš geatnegasvuođain ja instrumeanttain, álgoálbmogat ovttas celket.
Alkuperäiskansojen terveiset
Maailman alkuperäiskansojen edustajat ovat lähettäneet terveisensä YK:n Pariisin ilmastokokoukseen.
Saamelaiskäräjät ja Saamelaisneuvosto ovat mukana vetoomuksessa.
Alkuperäiskansojen odotuksena on, että valtiot sitoutuvat estämään ilmastonmuutosta ja vähentämään fossiilisten polttoaineiden käyttöä. He vetoavat myös, että alkuperäiskansojen oikeudet otetaan huomioon osana ilmastosopimusta.