Vuoigatvuohtaministeriija, Sámediggi ja Oulu universitehta Giellagas-instituhtta ordnejit skábmamánu loahpas Anáris seminára, mas almmuhuvvojit guokte sámegielaid dálá dillái guoski raportta.
Sámediggi almmuhuvva raportta sámegielaid ealáskahttima buoremus vugiin ja nášuvnnalaš politihka linjjáin Suomas, Ruoŧas ja Norggas.
Raportta lea čállán Ulla Aikio-Puoskari. Raporttas ovdanbuktojuvvojit gielaealáskahttima vuogit, bohtosat ja sámegielaid diliide vaikkuheaddji láhkaásaheamit ja vuogádagat Davviriikkain.
Vuoigatvuohtaministeriija ja Oulu universitehta Giellagas-instituhta diŋgon čilgehusa, mii gieđahalla sámi giellalága ollašuvvama sámeguovllu sámegielat gieldalaččaid geahččanguovllus.Dan raportta lea čállán Annika Pasanen .
Raporta čilge sámegielat olbmuid vásihusaid sámegielat bálvalusain earenoamážit sosiála- ja dearvvášvuođasuorggis.
Seminára lágiduvvo 25.11. sámekulturguovddás Sajosis Anáris. Seminára lea vejolaš čuovvut maiddái njuolggosáddagin interneahtas. Dilálašvuohta lea rabas buohkaide. Dilálašvuođas lea simultánadulkon suoma- ja sámegielaid gaskkas.