Nobel ráfibálkkašumiin bálkkašuvvon presideanta Martti Ahtisaari ii hálidan váldit beali sápmelašmeroštallangažaldahkii. Dán son muitalii Lappi universitehtas lágiduvvon Ahtisaari-beivviin.
- Lean ovdalge ilmmuhan, ahte mus lea dušši jearrat sápmelašvuođas, dannego mun in dieđe dan birra maidege. Panelas ovdanboahtán áššit bidjet gal jurddahallat, muhto jus sápmelašáššiide hálida soabahalli, de gánnáha jearrat eará sajis, mun in dan bargui baste álgit, dajai Ahtisaari panelas.
Ahtisaari-beivviid oktavuođas dollon panelaságastallama váldotemán lei davvi vehádagaid sajádat. Ságastallan lei maid sámiid rivttiid birra. Saamelaiskiista -nammasaš girjji almmustahttán professor Veli-Pekka Lehtola muitalii maŋemus jagi áigge dáhpáhuvvan sámiid rivttiid geahnohuvvamis, mii boahtá ovdan ee. láhkaásahanbarggus. Professor Vesa Puuronen mielas sámit leat historjjálaš ja politihkalaš sivaid geažil heajut sajádagas go váldoálbmot. Doseanta Aini Linjakumpu deattuhii, ahte sihke sámit ja váldoálbmot galggale muitit váldit vuhtii maid sámi vehádagaid sajádaga. Dasa Lehtola fuomášahtii, ahte dat sáhttá muhtimin leahkit maid sápmelažžan viggi váldoálbmoga ovddasteaddji vuohki hupmat ja geavahit iežas sámi unnitlogujoavkku ovddasteaddjin.
Sisafárrejeddjiid sajádaga birra panelas lei muitaleame dutki Nafisa Yeasmin . Lehtola muitalii, ahte sámiid eváhkkoáigi nuppi máilmmisoađi áigge sulastahttá sisafárrejeddjiid dillái.
- Lean dutkan sámiid eváhkkoáiggi ja easka bealle jahkečuođi maŋŋel dan áigodagas álget bohtit ovdan bahčavuođat. Rasismma lea váttis duođaštit, daningo dat láktasa dasa mo olbmot vásihit áššiid.
Panela jođiheaddji Tapio Nykänen jearai Lehtolas, ahte lei go feaila jorgalit doahpaga "indigenous peoples" álgoálbmogin. Lehtola mieđihii ahte doaba sáhttá buktit muhtin čuolmmaid, muhto váldoáššin lea, ahte dán doahpaga sisdoalu ulbmilin lea suddjet álgoálbmogiid boahtteáiggi.
Ahtisaari-beaivvit lea Crisis Management Initiative -organisašuvnna jahkásaččat ordnen dáhpáhus. Boahtte jagi dat dollo Tamperes.
Ahtisaari ei halua sovittelijaksi
Lapin Yliopistolla vieraillut presidentti Martti Ahtisaari ei halunnut ottaa kantaa saamelaismääritelmäkiistaan.
- Olen jo aikaisemmin ilmoittanut, että minulta on turha saamelaisuudesta kysyä, koska minä en tiedä siitä tuon taivaallista. Sen takia minä kuuntelenkin paneelia tarkkaavaisesti ja se panee kyllä miettimään asioita, mutta kyllä täytyy kääntyä johonkin muualle, jos välittäjää haluaa. Minusta ei ole siihen, kertoi Ahtisaari paneelissa.