Romssa universitehta juridihka veahkkeprofessor Mattias Åhrén lea almmustahttán ođđa girjji, Indigenous Peoples' Status in the International Legal System.
Girjjistis Åhrén gieđahallá álgoálbmogiid sajádaga riikkaidgaskasaš láhkasystemas ja fállá oainnuid álgoálbmogiid njulgosiidda omd. iešmearrideami ja guovlluid geavtima geahččanguovllus.
Girjji oktan váldoulbmilin lea leamašan čilget oktageardánit álgoálbmotrievtti mearkkašumi ja buktit eanet ipmárdusa álgoálbmotrievttis. Dan dihte girjjis lea álkes struktuvra ja girjji bargamis lea leamašan ulbmilin, ahte das ii galgga boahtit ilá gassat.
- Ulbmilin lei maid dat, ahte girji ii galgga heivet dušše juristtaide, muhto dat galgá joksat viiddis joavkku. Dan galgá sáhttit geavtit oahpahusas máŋgga fágas, muhto maiddái álbmotriekteáššedovdiide lea girjjis ávki, dadjá Åhrén Romssa universitehta dieđáhusas.
Åhren muitala, ahte álgoálbmotriekti hástala, mo álbmoga galgá meroštallat. Son oaivvilda, ahte dát lea mearrideaddji ássi álgoálbmogiid stáhtusa dáfus riektesubjeaktan ja njulgosiid guoddin.
- Danne leatge maid dat stuorimus riikkaidgaskasaš juridihka dutkit beroštuvvan álgoálbmotrievttis. Dán suorggis lea álbmogat (“peoples") doahpaga ipmárdus ovdánan nu olu, ahte dan sáhttá gohčodit paradigmerievdamin, oaivvilda son.
Gáldun: Romssa universitehta ja Ávvir