Alimus hálddahusrievtti (AHR) jelgii sámedikki stivrra 18.11.2015 bargan mearrádus ordnet ođđa válggaid lea lága vuostá.
- Sámedikki stivrras ii leat doaibmaváldi váldit mearrideapmái ášši ja ja riektegažaldagaid, maid alimus hálddahusriekti leat juo mearridan láhkafámolaččat, oaivvilda AHR dieđáhusastis.
AHR oainnu mielde sámedikki stivrra mearrádus ordnet ođđa válggaid lea dan dáhpáhusas lága vuostá ja alimus hálddahusriekti lea gomihan ja sihkkon dan.
Alimus hálddahusriektái bohte mearreáiggis 23.12.2015 rádjaí oktiibuot 27 váidalusa, mat guske sámedikki stivrra mearrádussii ordnet ođđa válggaid ja leat dohkketkeahttá AHR:a sápmelažžan dohkkehan olbmuid válgalogahallamii.
AHR lea maid hilgon sámedikki válgalávdegotti burginohcamušaid. Burgin ohccojuvvui juo nuppádassii njealji jagi 2011 válgalogahallamii merkejuvvon olbmuid buohta. AHR hilggui daid burginohcamušaid jagis 2013.