Diet 300 sámi álbuma sisttisdoallet árbevirolaš luđiid ja ođđaáigásaš musihka. Sáhttáge dadjat ahte sámi musihkas manná bures. Oulus lágiduvvui sámi musihkkaseminára, gosa ledje bovden sáhkavuorudolliid Davviriikkain.
Okta sáhkavuoru doalliin Anna Lumikivi muitalii, mo son lea jo mánnávuođa rájes lávlon ja leu´dden nuortalašgillii, vaikko ii álo áddenge buot sániid. Son leu´dde Hoŋkoŋ dohkká -mánáidskearrus Tattari Peä´ldd ovttas skihpáriinnis. Maŋŋá go fárrii fas Sápmái, de son háliidii oahppat buorebut nuortalašgiela Sámi oahpahusguovddážis. Dies jotkkii vel Sámi musihkkaakademiijai seamma skuvllas.
Lumikivis leat máŋga musihkkaprošeavtta jođus. Boahtte jagi soai álgiba Hanna-Maaria Kiprianoffin čállit nuortalašgielat lávllagirjji mánáide. Go girji lea válmmaš de vurdet ođđa doaimmat Giellagas-instituhtas. Suõmmkar -musihkka-joavkku vuosttas skearru lea barggu vuolde. Boahtte jagi almmuhuvvo nuortalašgielat mánáidskearru ja Lumikivi lea mielde lávlumin guokte lávlaga.
Lumikivi náitalii gieskat.
- Dáhtton áhči ráhkadit munno heajaide leu´dda ja dat lei hui buorre. Spiehkasteimmet vehá árbevierus, dadjá Lumikivi.
Laura Pieski muitala mo son juoigagođii logahaga áigge Roavvenjárggas, go fuomášii ahte dat jeđđe go lea ruovttuahkit. Son ii loga iežas juoigin, ii goit vel.
- Mun ozan vel iežan vuogit juoigat. Dá biillain vuojedettiin šattai oappá luohti, dadjá Pieski.
Son ii leat sihkar áigugo konsearttain juoigat dahje skearru almmuhit.
Pieski lohká ahte juoigan lea buorre gulahallanvuohki, mii ovttasta sámi nuoraid.
Son lea Deanuleagis eret ja diehtá bures olbmuid jurdagiid dan ektui. Skuvllas son lea oahppan ahte luohti lea lunddolaš ja dohkálaš.
- Ja áhkku gal lea dohkkehan ahte mun juoiggan, illuda Pieski.
Boahttevuođas Pieski áigu dutkat iežas guovllu luđiid.
- Áiggon ohcat filmma mas áddjá juoigá, loahpaha Pieski.
Laura Pieski lea govvejuvvon golggotmánus Olmmošvuoigatvuođalihtu sámenuorra -prošeavtta olis. Gova lea váldán Susanna Kosonen.
50 vuoden aikana on julkaistu 300 albumia
Oulussa pidettiin seminaari saamelaismusiikista
Saamelaismusiikilla menee hyvin, eteenkin moderni saamelaismusiikki menestyy
Anna Lumikivi on lapsesta asti laulanut ja leu´ddannut. Hänellä on monta musiikkiprojektia käynnissä ja albumi tekeillä Suõmmkar -yhtyeen kanssa.
Laura Pieski hakee vielä omaa tapaa joikata. Tulevaisuudessa hän aikoo tutkia Tenonvarren joikuja.