Urbánbeaivvit čohkkejit Anárii berošteddjiid miehtá Sámi – Suokkardit gii ja mo oažžu geavahit sámi kultuvrra ávkin

Jouni Porsanger
Urbánbeaivvit čohkkejit Anárii berošteddjiid miehtá Sámi – Suokkardit gii ja mo oažžu geavahit sámi kultuvrra ávkin

Sámi njálmmálaš árbevieruid konferensii ohcalit erenoamážit dáiddáriid, virgeolbmuid ja eará berošteaddjiid. Konfereansa lea rabas buohkaide.

Outi Paadar

Anáris lágiduvvojit Urbánbeivviid áigge konfereansa ja guokte seminára. Njealji beaivvi áigge fáddán leat sámiid árbevierut.

Vahku álgá sámi árbevirolaš musihka seminárain. Dat lea oaivvilduvvon dušše bovdejuvvon oasálastiide. Semináras suokkardallet sámi árbevirolaš musihkkii laktáseaddji rivttiid ja geatnegasvuođaid.

Maŋŋebárga 22.5. álgá Urbánbeivviid almmolaš oassi.

Dalle lea Sámiráđi beallebeaivásaš gulahallanseminára das, mo suddjet duoji. Sáhka lea duodjemearkka barggu birra ja duodjeorganisašuvnnat ja -ásahusat leat bovdejuvvon muitalit iežaset oainnuid. Seminára lea rabas buohkaide.

Gaskavahku Sajosis duolmmastit johtui guovttebeaivásaš miehtá Sámi konfereansa sámi njálmmálaš árbevieruid birra. Konferensii bohtet Davviriikkaid sápmelaččaid lassin maid Ruošša beale Sámis.

Sáhkavuoruid dollet ee. das, makkár njálmmálaš árbevieru hástalusat leat duojis, sámi rumbbuid symbolaid geavaheamis ja boasttugeavaheamis, mo sámi muitalusat šaddet filbman ja mo luođi sáhttá váldit ruovttoluotta.

–Dát lea joatkka 2016 ordnejuvvon Sámi ealli kulturárbi -seminárii, mas lei sáhka Suoma beale dilis. Čuovvovaš lávki lea ságastallat miehtá Sámi oainnus seamma fáttás. Sámi kulturárbi lea min oktasaš ášši, dadjá Sámedikki kulturčálli Riitta Orti-Berg.

Ulbmilin lea čállit Davviriikalaš linnjema sámi dáidda- ja kultursektorii das, mii guoská kulturárbbi vásttolaš ja ehtalaččat bistevaš geavaheami ja suodjaleami.

Ovdamearkan sáhtašii namuhit dan, mo mátkeealáhus dahje filbmaindustriija geavahit sámi kultuvrra. Duvle Disney ovddasteaddjit johte Sámis viežžamin inspirašuvnna iežas filmmaide.

–Gažaldat leage gii oamasta sámi kulturárbbi, gii ja mo dan sáhttá ávkkástallat. Konfereansa čalmmustahttá dáid ja ohcá vástádusaid dáid váttes gažaldagaide, mat gulustuvvet medias ain duollet dálle, lohká Orti-Berg.

Sámekultuvra galgá seailut ealli kultuvran. Áigumuš leage nanusmahttit dan, ovddidit ja dorvvastit sámi ealli njálmmálaš árbevieru, sámi dáidaga ja dáiddáriid boahttevuođa, giela ja árbevirolaš ealáhusaid.

–Konferensii leat dál almmuhan sullii 200 olbmo. Almmuhanáigi nogai 4.5. muhto jos ieš máksá borramušaid, de lea bures boahtán čuovvut konfereanssa, čilge Orti-Berg.

Konfereansa maid sáddejuvvo njuolggosáddagin neahta bokte.

Sámi árbevirolaš musihka seminára 21.-22.5.2018 (giddejuvvon)

Gulahallanseminára duoji suddjema birra 22.5.2018 (rabas buohkaide)

Sámi njálmmálaš árbevieruid konfereansa 23.-24.5.2018 (rabas buohkaide)

Saamelainen kulttuuriperintö keskiössä

Inarissa järjestetään saamelaisten aineettoman kulttuuriperinnön konferenssi 23.-24.5.2018. Keskeinen tavoite on laatia yhteinen linjaus saamelaiselle taide- ja kulttuurisektorille, koskien aineettoman kulttuuriperinnön vastuullista ja eettisesti kestävää käyttöä ja suojelua. Konferenssia voi seurata myös suoran nettilähetyksen kautta.

Samalla viikolla järjestetään perinteisen saamelaismusiikin kutsuvierasseminaari 21.-22.5.2018 ja avoin keskusteluseminaari duodjin, saamelaisen käsityön suojelemisesta 22.5.2018.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös