Filbmaárvvoštallan: Mumeniid diidadálvi

Filmkompaniet/Animoon
Filbmaárvvoštallan: Mumeniid diidadálvi

Fina donge geahččamin mo Mumenat ráhkkanit juovllaide.

Outi Paadar

Vuosttas sámegielat mánáidfilbma, Mumeniid diidadálvi boahtá ealligovvateáhteriidda bearjadaga 1.12. Filbma muitala mo Mumenat ráhkkanit juovllaide.

Dábálaččat Mumenat livčče oađđemin dálvenahkáriid, muhto dáid juovllaid Mumi moriha ja boktá earáid maid.

Filmma geahččan lea dego deaivat buriid verddiid. Doppe leat Mumi, Mumieadni, Mumiáhčči ja Unna Mijáš muhto maid Buolašádjá nieidda, oaidnemeahttun sáhpánat ja eará sivdnádusat. Lassin beassat oahpásmuvvat juovladola boaldima árbevirrui.

Mumenleagi máilbmi lea mánáide oahpis, go doppe lea dálvi, olu muohta ja guovssahasat muhto gávdnojit doppe maid apmasut áššit dego kastannjatmuorat. Muhto orru dego Mumenleahki livčče báikkis gos lea skábma, dego mis.

Muđuige Mumenmáilmmi áddejupmi heive Sápmái, go doppe orru leamen gávcci jahkeáiggi, áigeáddejupmi ii leat nu dárki ja fuolkevuohta lea dehálaš.

Tove Jansson lea almmuhan Diidadálvi -girjji 60 jagi dassái. Dat lea ovddeš áiggiid juovlamáinnas. Filbmii lea maid válljejuvvon hiđis stiila ja dat bistá diimmu ja 22 minuhta. Otná beaivvi jođánis filmmaid ektui diet soaitá lea vehá hástalus muhtun gehččiide.

Muhto ii dat daga maidige, go beassat čuovvut Dearvvasaš-Hemola ja dan gávdnágo son alcces ođđa verdde. Ja, vuoi go dat hilbes Unna Mijáš lea gal oalle mihá hilbat. Beassat maid oaidnit makkár juovlaskeaŋkka Mumenbearaš fidne dahje mo sii áigot čiŋahit juovlamuora.

Filbma lea animašuvdna ja dat lea dubbejuvvon sámegillii mii doaimmai bures. Animašuvnnas eai leat njálmmi lihkastagat oidnosis, de dasa ii gidde oba fuomášumi. Jietnaneavttáriid jienat heivejedje bures iešguđege karakterii bures.

Sámegielat jorgalus lea lihkostuvvan bures ja sánit leat válljejuvvon vuohkkasit. Ovdamearkan filmmas geavahuvvo juovlamuorra ja daddjo ahte dat sáhttá leat beahci dahje guossa. Niehan dat mis leage. Dubbemin barggadettiin lea gusto vejolaš heivehit giela oalle vuohkkasit nu, ahte dat heive midjiide Sápmái.

Dát filbma heive mánáid lassin maiddái dáidda geat leat geahččan 90-logu loahpas NRK Sámi buvttadan sámegielat Mumeniid ja buohkaide geat beroštit sámegielas.

Fina donge geahččamin mo Mumenat ráhkkanit juovllaide.

Vuosttaseahket miehtá riikka 1.12.

Loga maid:

Mumeniid diidadálvi čájehuvvo ovcci iešguđege báikkis (20.11.2017)

Áslat Holmberg lea Mumistálu jietnaneavttár - Mumeniid diidadálvi ealligovvateáhteriidda 1.12. (19.10.2017)

Elokuva-arvostelu: Saamenkielinen Muumien taikatalvi

Ensimmäinen saamenkielinen lastenelokuva, Mumeniid diidadálvi, tulee ensi-iltaan. Saamenkielinen dubbaus toimii yllättävän hyvin ja kielelliset ratkaisut on sovitettu saamelaisille onnistuneesti. Ääninäyttelijöiden äänet sopivat hyvin hahmoihin.

Elokuva sopii kaikille jotka ovat kiinnostuneet saamenkielestä. Mumeniid diidadálvi on tekstitetty suomeksi. Elokuva esitetään elokuvateattereissa ympäri Suomea.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös