Ean ballan gumppiid – Nieiddat fitne geahččamin Mumeniid diidadálvvi

Anssi Jokiranta
Ean ballan gumppiid – Nieiddat fitne geahččamin Mumeniid diidadálvvi

Ruut Ravantti (6 j) ja oappážat Siiri (5 j) ja Sanni Koivisto (4 j) ledje ovttas geahččamin Mumifilmma.

Outi Paadar

Mis lei erenoamáš beaivi go manaimet ovttas geahččat sámegielat mánáidfilmma albma, stuorra ealligovvateáhterii.

Nieiddat fitne vuos boradeamen hamburgeriid ja bohte dasto ealligovvateáhterii. Doppe bisánit oastit herskuid. Buohkain leat gieđas popcorn -toasat ja limonádat, go mannat geahččat Mumeniid diidadálvvi.

Ruut Ravantti (6 j) lea fitnan teáhteris ja ealligovain ovdalge, de doppe fitnan ii leat ođđa ášši. Ruut buorre skibir Siiri Koivisto (5 j) lea maid vuolgán filmma geahččat ovttas uhca oappáin Sanni Koiviston (4 j).

Lea vehá gelddolaš ja erenoamáš go aviissa govvideaddji boahtá ja govve go nieiddat leat čohkkámin teáhteris.

Filmma maŋŋá čoahkkanit smiehttat mo dat lei.

–Dát lei vuosttas sámegielat mánáidfilbma, diehtá Ruut ja lohká ahte son gal ii ballan gumppiid iige Skuŋkka.

Siiri maid lohká ahte son ii ballan ja muitala ahte son lea geahččan ovdalge Mumeniid.

–Muhto dat lei suomagielat Mumi, čilge Siiri.

Háleštit ain ja jurddašaddat maid mii aiddo geahčaimet.

–Vaikko kánske dat gumppet vehá baldege muhto lei maid seammás maid dat buoremus, árvaladdaba Ruut ja Siiri.

Nuppi beaivve go gulaskuttan mii bázii millii de vástádus lea čielggas.

–Popcornit ja go beasai hamburger báikkis duhkoraddat, mojohallaba nieidda guovttos skeittángietti ravddas.

Siiri lohká son vuolggášii áinnas nuppe hávege geahččat filmma muhto eaktun lea ahte oažžu guhkit duhkoraddat ovdal ja maŋŋá filmma.

–Dat galggašii bistit guhkit áigge, sávvá Siiri.

Ruut fas pláne mannat maŋimuš čájáhussii áhkuin ovttas.

Lasten kanssa elokuvissa

Lähdimme yhdessä Ruut Ravantin (6 v), Siiri (5 v) ja Sanni Koiviston kanssa katsomaan ensimmäistä saamenkielistä lastenelokuvaa Mumeniid diidadálvi -elokuvaa.

Ruut ja Siiri molmemmat vakuuttavat etteivät pelänneet susia, vaikka myöhemmin tunnustavat että se oli ehkä vähän jännittävä mutta samalla paras kohtaus. Ruut suunnittelee mennä toistamiseen áhkun eli mummon kanssa.

Tyttöjen mielestä parasta oli karkit, popkornit ja limukat sekä hampurilaispaikan leikkipaikka, jossa he pysähtyivät ennen elokuvanäytöstä.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös